not too religious (SLOTH)

<’> Sa impyerno nyo ko dadalhin.

<.–.> Sigurado ka na dyan?

<’> Oo… kahit hindi ako naniniwala sa impyerno.

<’>… Pero ‘wag kang mag-alala, dahil wala akong pakialam!

<.–.> Hindi ka naniniwala sa impyerno, pero tingin mo doon

ka babagsak.

<.–.> Paano nangyari ‘yon?

<’> “Nasusulat”
<’> Alam ko ang nilalaman ng bibliya.

<’>..

<’> Sinubukan na kitang hanapin doon noon.

<’> Baka ‘kako sumulpot ka.

<.–.> Talaga? haha…

<.–.> Kahit papano e pwde ka rin palang respetohin.

<.–.> Marami kasing puro tanong lang, hindi naman naghahanap

ng sagot sa tamang lugar.

<.–.> Tapos bigla na lang susuko at sasabihing hindi naman

ako totoo!

<.–.>  Yung mga ganoong klase ng “matatalinong” tao ang masarap

balutin ng lumpia wrapper at ilublob sa kumukulong apoy!

<.–.>..

<.–.> Pero bakit ka sumuko?

,’> Dahil magulo. Masyado maraming misteryo. Maraming walang

kasagutan.

<’> Ayoko ng gano’n!

<.–.> kaya iniwan mo ang simbahan?

<’>Oo. Hindi ko na matagalan ang mga ipokrito!

<’>… at ayoko rin naman ng buffet katulad ng gingawa ng iba.

<.–.> Anong buffet?

<’> Mix and match sila ng religious practices.

<’> Sinusunod lang nila ang mga paniniwalang akma sa panlasa’t

pamumuhay nila, tapos yung iba binabalewala na… o pinapalitan

ng mga tradisyong galing naman sa ibang simbahan.

<’> Anu’t ano man, pare-pareho pa rin silang ipokrito’t makasalanan!

<’> Bahala silang magpatayan sa kung kailan ang totoong araw ng paghinga,

kung ang Diyos Anak o Diyos Ama ang tunay na Diyos, kung tatlo ba o iisa ang

Diyos, Kung ano ang pangalan ng Diyos, kung ano ang kasarian ng Diyos, kung

bakit ginawa ‘yun ni Lucifer, kung sino ang Antikristo, kung umakyat ba sa

langit si Mary, kung nasaan ang barko ni Noah, kung totoo ang Bible Code,

kung anong libro ang tama, kung ano ang dapat at hindi dapat kainin, kung

dapat ba magbigay ng pera sa simbahan, kung may pasko o wala, kung may

katuturan ba ang buhay…at kung bakit kami napunta sa lintik na mundo na

hindi naman namin hiningi!!! *Tanging Yaman*

<.–.>…

<.–.> Kalamayin mo ang loob mo.

<.–.> Ganyan talaga ang mga tao, pipihit-pihitin ang katotohanan hanggang

sa sumang-ayon nato sa kumportableng posisyon ng mga makasarili nilang

puso. Gagawin ang lahat mapaniwala lang ang sarili na hindi sila dapat mapasa-

ilalim sa anumang batas na magpapabigat lang sa konsensya.

<.–.> Pero hindi mo na dapat pinapasakit nang ganyan ang ulo mo dahil sa

maliliit na bagay.

<’> Maliliit?

<.–.> Oo. Parang eskwelahan din ang buhay e. marami kang pag-aaralan,

pero hindi naman lahat yon e importante at kailangan matutunan.

<’> Anong ibig mong sabihin?

<.–.> Walang kinalaman ang paraan ng pagsamba ng tao sa kanyang

kaligtasan. Dahil sa kabuuan ay iisang Diyos lang din naman ang sinasamba

ninyo, nagkakaiba-iba lang ng paraan.

<.–.> Oo nga pala, dumating na ang oras

<.–.> Handa ka na ba sa hatol?

<’> Wala akong pakialam!

<.–.> Ako meron,

<’> Hindi ko kailangan ang opinyon mo!

<.–.> Ssshh!

<.–.> Wag kang matakot.

<.–.> Walang hanggan ang pagmamahal ko sa tao at marunong

akong magpatawad sa mga nagkakasala.

<.–.> Wag mong masyadong sisihin ang sarili mo…tao ka lang!

<.–.> Alam kong mabuti kang nilalang. Sinarili mo ang kahinaan

mo at hindi mo pinilit pang hawaan ang ibang tao. Nirespeto mo

ang mga gustong sumunod sa akin. Hindi mo sila hinimok na talikuran

ako kailanman.

<.–.> Para sa iyo… ang walang hanggang buhay!

<’> …

<’> Hindi mo ko paparusahan???

<.–.> Hindi pa huli ang lahat para sambahin mo ‘ko.

<’> Gano’n lang?!

<.–.> Syempre, kung sasambahin mo ko, luluhod ka!

<’>..

<’>.

<.–.> O, ba’t hindi ka kumikibo?

<’> Parang alam ko na to e…

<’> Tama ang hinala ko. Ikaw nga si Lucifer.

<.–.> HA??

<’> Ikaw si Lucifer!

<.–.>  Kanina pinaghirapan kitang kumbinsihin tungkol sa Diyos,

tapos pagdating sa katauhan ni Lucifer, bigla-bigla ka na lang maniniwala?

<’> Naiintindihan ko na… puro kasinungalingan nga ang mga binitiwan

mong salita.

<.–.>Huh??!

<.–.>  Dahil langsa iniisip mong ako si lucifer e mawawalan na ng kabuluhan

ang lahat ng sinabi ko?

<.–.> paano kung sabihin kong ako si St. Michael?

<.–.> O si Kupido? Mother Teresa?  James Dean?

 <.–.> Ganon-ganon na lang ba ‘yon?

<.–.> Sayang naman ang pinagsamahan natin!
<’> Hindi mo ko maloloko.

<’> Patay na ‘ko… ayon sa Bibliya, natutulog alng dapat ako ngayon.

Walang kamalayan, kahit ano.

<’> Pangalawa, hindi ito ang oras ng paghuhukom.

<’> Walang aakyat sa langit o bababa sa impyerno hanggng hindi pa ang

Muling pagbabalik

<’> Pangatlo–

<.–.> HAHAHAHA!!!

<’> Anong nakakatawa?

<.–.> Ikaw

<.–.> Hindi ko alam kung na-jet lag ka o ano!

<.–.> Hindi ako si Satanas, o si Lucifer, o si Beelzebub o si Lex Luthor!

<’> Tama na!

<’> Wag mo na akong paikutin.

<.–.> BWAHAHAHA!!!!!

<.–.> Nakakaaliw ka talaga!

<.–.> Oops, sorry!

<.–.> Baka dahil tumawa ako nang ganyan, lalo mong ipagpilitang

demonyo ako.

<.–.> Hehehe…

<.–.> Ayusin na lang natin ito…

<’> Hindi ako nakikinig sa’yo!

<.–.> sige, tutal hinihingal pa naman ako sa katatawa, papahinga

muna ako.

<.–.> Game!

<.–.> Ganito, tutal ayaw mo naman akong sambahin, ibabalik na lang

kita sa lupa sa dati mong panahon, pero may ibang buhay at katawan, para

patunayan sa’yong hindi ako ang Diablo.

<’> Para ano?

<.–.> Para mas maintindihan mo ang bagay-bagay.

<.–.> Pangalawang pagkakataon.

<.–.> Para sa pagbalik mo dito, handa ka na talaga at malinaw na

ang lahat.

<’> Maibabalik mo ba ako sa panahon na maganda pa ang takbo ng buhay

ko at hindi pa huli ang lahat?

<.–.> Oo naman! Alangan namang ibalik kita sa lupa nang selyado na sa

ataul ang katawan mo!

<.–.> Hehe, loko ka pala eh!

<.–.> Ganito ang gagawin natin, sabihin mo lang “GO!” at ibabalik kita

sa lupa sa isang kisapmata.

<’> At ano ang kapalit–ang kaluluwa ko??

<.–.> At ano naman ang gagawin ko sa kaluluwa mong may anghit?

<.–.> Masyado kang mapraning!

<’> Sandali, bigyan mo ko ng magandang dahilan para paniwalaan ka.

<.–.> Uhmmm. sabihin na nating Diyos ako.

<’> Hindi ka Diyos.

<.–.> Diyos ko po!

<.–.> Ako ang Diyos… magkukulitan pa ba tayo?

<’> Kung ikaw ang Diyos, ibibigay ko na lang sa demonyo ang kaluluwa ko.

<.–.> Walang problema.

<.–.> Ayaw mo talagang ipagkatiwala sa akin ang kaluluwa mo ha!

<.–.> Play safe ka masyado! hehehe.

<.–.> Hindi ka naniniwalang Diyos ako.

<’> Hindi ka mapagkakatiwalaan,

,’> Walang katotohanan ang sinasabi mo.

<.–.> Pero paano kung mali ka sa pag-aakalang hindi totoong hindi ako

ang hindi nagsasabi ng walang katotohanan…akin na ba ang kaluluwa mo?

<’> Iyong-iyo na!

<’> Tutal hindi naman ako naniniwala sa’yo o sa kaluluwa!

<.–.>  BWAHAHAHA!!!

<.–.>  Deal?

<’> Deal.

<.–.>  Cool!

<.–.>  hehehe.

<.–.>  Ngayon din ay magbabalik ka sa lupa. Makikita mo na lang ang

sarili mo na taimtim na nagbabasa ng katapusan ng di maintindihan at

walang kwentang blog ng kaibigan mo.

<’> GO!

 

-end-

~ by jantri on July 21, 2008.