not too religious…(GLUTTONY)

<’> San na ‘ko ngayon pupunta?

<.–.>  .

<’> Ha? Ba’t ayaw mong sumagot?

<.–.>  Hindi mo pa sinasagot ang pangsampu at huling tanong.

<’>..

<’> Naguguluhan pa rin ako, mahirap paniwalain ang sarili ko…

<.–.>  Magaling kang magduda at hirap kang maniwala… nakakabilib

talaga na umabot pa ng tatlumpu’t-limang taon sa lupa ang mga tulad mo. 

<’> Tama ang sinabi mo kanina… ano ba ang epekto sa ‘kin kung meron

mang  Diyos o wala?

<.–.>  Marunong ka bang magpinta?

<’> Oo,’yun ang hilig ko noon. Pintor dapat ako ngayon kung pumayag

lang ang mga magulang ko.

<.–.>  Marunong kang gumamit ng imahinasyon?

<’> Oo.

<’> Bakit?

<.–.>  Kaya mo ba ngayong ilarawan sa isip mo kung anong klaseng

lugar pwedeng maging ang mundo kung ang lahat ng tao ay nagmamahalan

at walang makasarili?

<’> Lahat naman nangangarap ng ganyan e.

<.–.>  Saan nanggaling ang pangarap na ‘yan?

<’> Alam ko ang ibig mong sabihin…pero anong kinalaman nyan sa

tanong ko?

<.–.>  Dahil ba sa mga tanong na yan kaya hindi ka naniniwala?

<’> Oo.

<.–.>  Tama ba ko kung sasabihin kong, tulad ng karaniwang tao,

mga pruweba rin ang hinahanap mo?

<’>..

<.–.>  Hindi lahat ng bagay ay kayang ipaliwanag ng Science at pwedeng

intindihin ng isip mo. Sa ngayon ay patuloy pa ri ang research tungkol sa HIV

at autism, dinosaurs at evolution, sa paranormals at UFO, sa earthquakes,

tornadoes, at global warming. kahit ang mismoing computer e hindi nyo pa

nagawang pulido!

<.–.>  Gusto mo bang nalilimitahan ka ng ganito?

<’> Gusto mong maniwala kami sa hindi maipaliwanag?

<.–.>  may pagpipilian ba kayo?

<’> Dahil sa “hindi maipaliwanag” kaya maraming nagbubuwis ng buhay.

Ang mga giyerang isinisi mo sa amin ay dahil sa ipinagmamalaki mong

“hindi maipaliwanag”. Gusto mong maligats kami sa pananalig sa hindi namin

nakikita, kahit na ang pananalig din yon ang dahilan ng hidwaan namin.

<.–.>  Tinitingnan mo ba ang basong  kalahating bawas o basong

kalahating puno ?

<’> Tinitingnan ko ang katotohanan-ang mga pinaslang na mga tao, sinunog

na mga lungsod, at sinirang sibilisasyon dahil sa pangalan mo!

<.–.>  At sino ako?

<’> HINDI KO ALAM!!!

<’> Dahil ayaw mong magpakita…ayaw mong bumaba dyan sa trono mo!

<.–.> Bumaba na ‘ko noon.

<.–.>Bakit kailangan nyo pa akong hanapin matapos nyo ‘kong parusahan

at ipako sa krus?

<’> Bakit hindi ka bumalik?

<.–.> Wag kang magmadali.

<’> Pero anong klaseng pagbabalik ang gagawin mo? Hindi ba para lang

itapon kami lahat sa walang-hanggang apoy?

<.–.> Ayon kanino?

<’> Ayon sa Bibliya mo!

<.–.> At naniwala ka naman sa bibliya?

<’> Oo.

<.–.> Yun naman pala e, bakit pinapahirapan mo pa rin nang ganito ang

sarili mo?

<’> Walang madali…

<’> At mahirap kang intindihin!

<.–.> Naiintindihan ko ‘yo0n.

<’> Hindi.

<’> Kung naiintindihan mo, may gagawin ka!

<.–.> Meron nga.

<’> Oo, pero para lang sa mga nagpakahirap sumunod sa’yo.

<’> Sila ang may premyo.

<.–.> Sandali, hindi ako si Santa Claus.

<.–.> Mas galante ako doon.

<’> Pero bakit?

<’> Para saan ka?

<’> Hindi ko maintindihan kung bakit ka namin kailangan?

<.–.> Sa parehong paraan na hindi rin alam ng halaman kung bakit

kailangan niya ng lupa?

<’> Hindi ko alam kung bakit kailangan nami maniwala sa’yo…

<.–.> Pero naniniwala kayo sa mga umiiyak at nagbubuntis na imahen,

sa mga swerteng pusa at malas na numero, at nagdarasal sa mga puno

sa gitna ng kagubatan dahil sa kung anong enerhiya ang nandoon.

<’> Dahil wala ka.

<.–.> Saan mo ba ako hinanap?

<’> Sa lahat!

<.–.> Hinanap mo nga ba ako…o ang kawalan ko?

<.–.> Mas madaling makita ang wala.

<’> Masyado kang pahirap…

<’> Nilagay mo kami sa mundo para lang subukan, buong buhay namin..

<’> At hindi ka tumatanggap ng hindi matibay.

<.–.> Sino na man ang may sabi sa’yo nyan?

<’> Sagutin mo ‘ko, Bakit kailangan maniwala ako sa ‘yo para

lang mailigtas sa kaparusahan?

<.–.> kung hindi ka maniniwala sa akin, bakit kailangan mo pang

problemahin ang kaparusahan?

<.–.> Kung hindi ka naniniwala sa akin, bakit kailangan  mo pang

problemahin ang kaparusahan? Ba’t mo pa tinatakot ang sarili mo???

<.–.> Huwag mo na akong problemahin!

<’> Hindi kita pinuproblema. Nabuhay ako sa mundo nang ayon sa

paniniwala ko.

<.–.> lahat naman ng tao e. Regalo ko sa inyo ang malayang pagpa-

pasya tungkol sa lahat ng bagay, di ba?

<’> Nasaan ang regalo mo sa mga taong namatay sa concentration camps dati?

Nagamit ba nila ang malayang pagpapasya?

<.–.> Higit sa lahat.

<’> Sinungaling!

<.–.> Hindi dahil sa hindi mo maintindihan ang isang bagay ay kasinungalingan

na ito.

<.–.> At hindi lahat ng kaya mong intindihin ay katotohanan,

<.–.>..

<.–.> Kung wala ka nang tanong, maari mo na bang sagutin ang akin?

 

 

 

(6/7) itutuloy…

~ by jantri on July 21, 2008.